mahpm shram yogi maandhan-yojana-3000 rupay pension तुम्ही 'या' क्षेत्रात काम करताय का? सरकार दरमहा देणार ३,००० रुपये, आजच अर्ज करा!

तुम्ही असंघटित क्षेत्रात काम करता का? सरकारकडून दरमहा ₹३,००० पेन्शन मिळवा!

PM श्रम योगी मानधन योजना ही केंद्र सरकारची एक महत्वाकांक्षी योजना असून, असंघटित क्षेत्रातील कामगारांसाठी निवृत्तीनंतर आर्थिक सुरक्षा देण्याचा उद्देश आहे.

योजनेचा उद्देश

या योजनेतून वयाच्या ६० वर्षांनंतर पात्र कामगारांना दरमहा ₹३,००० पेन्शन दिली जाते. कामगारांनी निवृत्तीनंतर स्वाभिमानाने जगता यावं, यासाठी सरकारने ही योजना सुरू केली आहे.

पात्रता कोणासाठी?

• वय १८ ते ४० वर्षांदरम्यान असलेले असंघटित क्षेत्रातील कामगार
• मासिक उत्पन्न ₹१५,००० पेक्षा कमी असले पाहिजे
• EPFO, ESIC किंवा NPS चे सदस्य नसावेत
• कोणत्याही प्रकारचे सरकारी कर्मचारी नसावेत

कसे मिळेल लाभ?

योजनेअंतर्गत कामगारांनी त्यांच्या वयानुसार मासिक योगदान करावे लागते. सरकार देखील तेवढेच योगदान तुमच्यासाठी करते.

उदाहरणार्थ:

• १८ वर्षांच्या वयात – ₹५५ दरमहा
• ३० वर्षांच्या वयात – ₹१०० दरमहा
• ४० वर्षांच्या वयात – ₹२०० दरमहा

नियमित योगदान दिल्यास, निवृत्तीनंतर तुम्हाला निश्चित ₹३,००० पेन्शन सुरू होईल.

योजना किती लोकांनी घेतली?

आजपर्यंत देशभरात ४६ लाखांहून अधिक कामगारांनी या योजनेत सहभाग घेतला आहे. ही योजना असंघटित क्षेत्रातील कामगारांसाठी निवृत्तीनंतरचा आधार ठरत आहे.

नोंदणी प्रक्रिया

• सर्वात जवळच्या CSC (Common Service Centre) येथे भेट द्या
• Aadhaar कार्ड आणि बँक पासबुक घ्या
• वय, मोबाईल नंबर आणि उत्पन्न याची माहिती द्या
• नोंदणी झाल्यावर यूजर ID आणि पासबुक मिळेल

तुम्ही जर असंघटित क्षेत्रात काम करत असाल, तर ही योजना तुमच्यासाठी सुवर्णसंधी ठरू शकते. आजच अर्ज करा आणि निवृत्तीनंतरच्या आयुष्याची आर्थिक काळजी घेण्यासाठी पाऊल उचला!

वेब टायटल: PM Shram Yogi Maandhan Yojana Apply Today for ₹3000 Monthly Pension