बोईंग ड्रीमलायनर 787 बाबत सरकारचा मोठा निर्णय; विमान कंपन्यांना मोठा झटका
13 जून 2025 | प्रतिनिधी
सरकारकडून ड्रीमलायनर उड्डाणांवर बंदीचा विचार
भारत सरकार आणि अमेरिकेतील एव्हिएशन एजन्सी या बोईंग 787-8 प्रकारच्या विमानांवर तात्पुरती बंदी आणण्याच्या विचारात आहेत. प्राथमिक चौकशीनुसार, इंजिन बिघाड आढळल्यास ही बंदी 2-3 महिने किंवा त्याहून अधिक काळ लागू होऊ शकते.
DGCA आणि एअर इंडिया: त्रुटींकडे दुर्लक्ष?
नागरी विमान वाहतूक संचालनालयाने (DGCA) यापूर्वी एअर इंडियाला विविध तांत्रिक त्रुटींवर सूचना दिल्या होत्या. माजी संयुक्त सचिव सनत कौल यांनीही याचा उल्लेख केला आहे.
2013 मध्येही बंदीचा अनुभव
बोईंग 787 वर याआधीही बंदी घालण्यात आली होती. 2013 मध्ये लिथियम-आयन बॅटरीला आग लागल्याने संपूर्ण ताफ्यावर 3 महिन्यांची बंदी होती.
टाटा समूहाची तत्काळ मदत
एअर इंडिया हे टाटा समूहाचे मालकीचे असून, त्यांनी प्रत्येक मृताच्या कुटुंबाला 1 कोटी रुपये भरपाई जाहीर केली आहे. यात प्रवाशांबरोबर अपघातग्रस्त परिसरातील नागरिकांचाही समावेश आहे.
जखमींसाठी टाटा ग्रुपचा पुढाकार
जखमी प्रवाशांच्या उपचाराचा खर्चही टाटा समूह उचलणार आहे. शिवाय, बी. जे. मेडिकल कॉलेजच्या वसतिगृहाची पुनर्बांधणीही टाटांकडून केली जाणार आहे.
महत्वाचे मुद्दे
- 265 लोकांचा दुर्दैवी मृत्यू
- सरकारकडून 787-8 वर बंदीची शक्यता
- एअर इंडियावर कारवाई होण्याची शक्यता
- टाटा समूहाची 1 कोटींची मदत
- DGCA कडून सुरक्षा तपासणी सुरु
0 टिप्पण्या